15-27.11.2017 ж. Жезқазған қаласының медициналық колледжінде жалпы білім беру пәндерінің  онкүндігінде өтті. Оқытушылар мен студенттер іс шараны үлкен ынта-жігермен өткізді.

15.11. Онжылдықтың ашылу күні. Колледж залында 1-ші және 2-ші курс студенттері жиналды. Оларды қазақ тілі мен әдебиеті пәнінің мұғалімі К.Б. Достанбеков құттықтап, қазақ әдет-ғұрпы бойынша «шашу» таратты. Студенттер тіл, математика, химия және физика пәндері жайында өлеңдер оқыды.

15.11.Қазақ тілі мен әдебиеті оқытушысы Г.Т.Кенішбаева  «Ой мен ойын» атты интеллектуалды ойын сабағын өткізді. Студенттердің іздемпаздықтарының арқасында сабақ тартымды және әсерлі өтті.Балалар сабақ барысында меңгерген   білімдерін толық көрсете білді.

16.11. Қазақ тілі мен әдебиеті оқытушысы Қ.Б.Достанбекованың «Тіл- біздің байлығымыз» атты әдеби- сазды бағдарламасы өтті. ҚР гимні тыңдалып, кеш қазақ ұлттық биімен жалғасты. Студенттер қазақ, орыс, ағылшын тілдерінде өлеңдер оқыды. 114және 115 «Емдеу ісі» топтарының адамгершілік пен қайырымдылық жайында көрсеткен қойылымдары үлкен әсер қалдырды. Латын әліпбиі қонаққа келіп, төрден орын алды.

20.11.Орыс тілі мен әдебиеті оқытушысы С.Б.Даутованың «Тіл халық жаны» атты әдеби бағдарламасында 11 Стоматология тобы белсенділік танытты. Тіл жайында көптеген қызықты мағлұматтар берілді.

20.11.Жылдағы дәстүрлі «Химия бүкіл жерде» атты презентация сайысы өтті. Сайыстың басты мақсаты студенттердің химия пәні  бойынша алған білімдерін тереңдетіп, өмірмен, болашақ мамандықтарымен  байланыстыру. Шығармашыл студенттерді анықтау. Сайыста презентацияның теориялық, тәжірибелік мәнділігі, мазмұнының тақырыпқа сәйкестігі және рәсімдеу мәдениеті бағаланды. Сайыс қорытындысы бойынша І жүлделі орынға 112 «Емдеу ісі» тобының студенттері Р.Сейдан және Ж.Меңлібай  «Газды сусындардың зияны» презентациясымен ; ІІ орынға- 11 «Стоматология» Н.Темірбеков «Қызықты химиялық реакция»; ІІІ орынға –4 «Лабораториялық диагностика »тобының студенті Г.Нұржанова «Тез дайындалатын кеспе» және 14 «Стоматология» тобының студенті Р.Шляпина «Химия везде» атты презентацияларымен ие болды.

21.11. Орыс тілі мен ағылшын пәнінің оқытушылары А.Ж. Альменова және С.О.Жарлығасова : «На приёме у акушера –гинеколога» «At the Gynecologist» тақырыбында бинарлы ашық сабақ берді.Сабақтың бұл түрі студенттердің дәріс түрінде алған білімдерін тәжірибеде қолдануға, дағдылары мен ептіліктерін іскерлікпен көрсетуге   үйретеді.

Студенттердің қызметі материалды меңгеруге бағытталған түрлі жұмыс түрлерімен алмастырылды. Сабақтың барлық сатыларында пәнаралық қарым-қатынас жүзеге асырылды. Сабақ жағымды, сенімді атмосферада өтті.

22.11. Оқытушы Г.Б.Ибраева дайындаған физика пәні бойынша конкурс қызықты және  тартымды болды. Сайысқа үш топ түсті:  246 МІ «Энергия»,  117 ЕІ және 114ЕІ «Паскаль». Байқау төрт түр бойынша бағаланды: 1. Танысу, 2. Кім жылдам? , 3. Білгірлер, 4. Тәжірибе.

Жылдамдық пен шеберлігі бойынша І орынға  «Паскаль» командасы ие болды. ІІ орын - «Энергия»  және 3орынды «Кернеу» тобы иеленді.

23.11. Химия пәнінің оқытушысы А.Кокенайдың «Ғажайып химия» тақырыбында өткізген іс шарасы  қызықты  болды. Сабақ студенттердің химияға қызығушылығын оятуға мүмкіндік берді.

24.11.Қазақ тілі мен әдебиеті пәнінің оқытушысы Г.Т.Кенішбаеваның ұйымдастыруымен «Латын әліпбиіне көшу- заман талабы» тақырыбында дөңгелек үстел өтті. Дөңгелек үстелге қатысқан ұстаздар мен студенттер латын әліпбиіне ауысу - әлемдік қоғамдастыққа шығуға мүмкіндік беретіндігі және медицина саласындағы латын тілінің маңыздығы жайлы пікірлерін ортаға салды. Аталған іс- шара жергілікті «Дидар» телеарнасынан көрсетіліп, «Сарыарқа» газетінде жарияланды.

27.11. Декаданың жабылуы  колледж директорының оқу ісі бойынша орынбасары М.А. Молдинаның  іс- шараларға қатысқан студенттерді марапаттауынан  басталды.

Онкүндік жабылуының екінші бөлімі ЖББ ЦӘК оқытушыларының және  «Кейіпкер» әдеби үйірмесіне қатысушыларының концерттік бағдарламасымен аяқталды.Оқытушылар  Г.Т.Кенишбаева, С.С.Ахметова халық әндерін орындады, С.О. Жарлығасова және А.Ораз қазақ, орыс, ағылшын тілдеріндегі  айтыстарын ортаға салды. Онкүндік   жаңалығымен есте қалды.