Заведующая отделением- Коканова Тулиу Абуталиповна

Мамандық 0304000 «Стоматология»

Біліктілік 0304023 «Дантист»

Бөлім меңгерушісі:

Коканова Тулиу Абуталиповна

Жұмыс өтілі: 28 жыл

Жезқазған қаласының медициналық колледжі Республиканың денсаулық сақтау саласында халыққа дәрігерге дейінгі, емдеу-профилактикалық көмек көрсету мақсатында «Стоматология» мамандығы, «Дантист» біліктілігі бойынша орта буын медицина қызметкерлерін даярлайды.

Оқу мерзімі: 2 жыл 10 ай, жалпы орта білімнен кейін және 3 жыл 10 ай негізгі білімнен кейін.

0304000 «Стоматология», мамандығының білім беру оқыту бағдарламасы 0304023 «Дантист» біліктітілігі бойынша кәсіптік қызметтің негізгі түрлеріне сәйкес келеді және білім алушылардың келесі құзіреттіліктерді меңгеруін көздейді:

Базалық құзіреттер: ұзақ мерзімді оқуды жоспарлау, кәсіби даму ептіліктерін игеру, ақпарат жинау және өңдеу, ақпараттарды тәжірибеде қолдану, ақпаратты компьютерлік технологияларды қызметте және өзін дамыту барысында қолдану, қоғамдық өмірге белсене қатысу, кәсіптік этикалық құндылықтарды дәріптеу, қызметінде эстетиканы сақтау және бағалау, әртүрлі адамдармен, түрлі жағдайда тиімді қарым-қатынас жүргізіп, коммуникативті дағдыларды игеру, жауапкершілікпен түрлі командаларда жұмыс жүргізу.

Кәсіптік құзіреттер: тұлғамен, отбасылармен, тұрғындар арасында саламатты өмір салтын қалыптастыру жұмыстарын атқару, пациенттерді және түрлі қауіп-қатер топтарындағы адамдарға тиімді бақылау жүргізу, денсаулықты сақтау және нығайту бойынша пациентке және оның отбасына кеңес беру дағдыларын игеру, адамдардың және қоршаған ортаның қаупсіздігі үшін зиянды факторлар әсерінен қорғау әдістерін пайдалану, қызмет сапасын жақсарту және қауіпсіздік деңгейін арттыру үшін инновациялық технологияларды пайдалану, медициналық қызмет сапасын және қауіпсіздігін қамтамасыз ету үшін емшараларды стандарттарға сәйкес орындау.

Клиникалық құзіреттер:стоматологиялық аурулар профилактикасын жүргізу, терапиялық, хирургиялық, ортопедиялық бейіндегі пациенттерді диагностикалауды және емдеуді жүзеге асыру, бет-жақсүйек аймағының түрлі ауруларында рентгенологиялық тексеріп-қарауды жүргізу.

 

Колледж түлектері оқуын аяқтап, маман сертификатын алған соң, түрлі медициналық мекемелерде медициналық тәжірибеге кірісе алады. Колледжіміздің біліктілікті арттыру бөлімінде түлектер және денсаулық саласында қызмет етіп жүрген орта буын медицина қызметкерлері біліктіліктерін арттырады.

Біліктілік: 0304023 «Дантист»

«Дантист» біліктілігін алған түлектің кәсіптік қызмет көрсету нысаны түрлі жастағы тұрғындар.

«Дантист» біліктілігін игерген түлектің көрсететін қызмет түрлері:

- стоматологиялық стационарда, дәрігерлік амбулаторияда, емханада пациенттерге стоматологиялық көмек көрсету, емдеу-диагностиклауға қатысу;

- стоматологиялық аурулар профилактикасын жүргізу;

- терапиялық, хирургиялық, ортопедиялық бейіндегі пациенттерді диагностикалауды және емдеуді жүзеге асыру;

- бет-жақсүйек аймағының түрлі ауруларында рентгенологиялық тексеріп-қарауды жүргізу;

- тұрғындар арасында саламатты өмір салтын насихаттау және аурулардың алдын алу;

 

Эскулап ізбасарларына мәлімет

Жезқазған қаласының медициналық колледжі 1961 жылы 20 мамырда әйгілі геолог, ғылым академиясының алғашқы президенті Қ.И.Сатбаевтың қолдауымен медициналық училище болып ашылды. 1961 жылдың қыркүйек айында фельдшерлік мамандыққа екі топ және жалпы тәжірибедегі медбике мамандығына бір топ студенттер қабылданды. Медбике мамандығының алғашқы түлектері 1963 жылы, ал фельдшер мамандығының алғашқы түлектері 1964 жылы шығарылды. 1971-1981 жылдары училищеде фельдшерлерді, акушерлерді, жалпы тәжірибедегі медбике және балалар саласының медбикесін даярлады. 1990 жылы училище мемлекеттік тілде оқытылатын топтарды қабылдады. 1995 жылы училище негізінде орта медицина қызметкерлерінің біліктілігін көтеретін бөлім ашылып, қазіргі таңда белсенді жұмыс істеп келеді. Медучилище 1996 жылы 14 маусымдағы ҚР ДСМ №282 бұйрығымен медициналық колледж болып қайта құрылды.2011 жылы «Стоматология» мамандығының «Дантист» біліктілігі бойынша алғашқы топтар қабылданды. Қазіргі таңда Жезқазған қаласының медициналық колледжінде «Емдеу ісі», «Мейіргер ісі», «Стоматология», «Лабораториялық диагностика» мамандықтары бойынша қазақ және орыс тілдерінде мамандар даярлайды. Колледжде арнайы пәндер, жалпы кәсіптік пәндер, жалпы гуманитарлық пәндер, әлеуметтік-экономикалық пәндері циклы жұмыс істеді. Заманауй техникамен жабдықталған кітапхана, ақпараттық технологиялар кабинеті, ағылшын тілі кабинеті студенттердің қолдануында. Медицинаның қыр-сырын жетік меңгертуге арналған арнайы муляждармен, тренажерлармен, электронды қуыршақтармен, электронды бағдарламамен түрлі ауру белгілерін көрсететін манекендермен жабдықталған 2 симуляциялық орталық, стомотологиялық орталық жұмыс істейді. Кәсіби сабақтарды өткізуге арналған хирургиялық блок, мейіргерлік блок, акушерия және гинекология кабинеті, педиатрия, терапия, анатомия және физиология, патология, фармакология, гигиена, жұқпалы аурулар, микробиология, тіс протездерін дайындау, химия, лабораториялық диагностикалау кабинеттері қолданылады. Колледж студенттері терапия, хирургия, акушерия, педиатрия, мейіргер ісі, фармакология, анатомия, биофизика, микробиология, стоматология және т.б. үйірмелерінде ізденіс жұмыстарын жүргізіп халықаралық, республикалық,облыстық, қалалық ғылыми-тәжірибелік конференцияларға материалдарымен шығып, жүлделі орындарға ие болып жүр. Колледжде студенттерге кәсіби құзіреттілігін дамытып, жан-жақты маман болып қалыптасуына жақсы жағдай жасалған.

«Стоматология» мамандығы студенттері үшін клиникалық тәжірибеден өтугекелесі медициналық мекемелермен үш жақты келісім шарт жасалып, клиникалық база болып бекітілген:

  1. КМҚК «Жезғазған қаласының орталық ауруханасы»;
  2. ЖШС «Жезғазған қаласының медициналық орталығы»;
  3. ЖШС «Стомцентр»
  4. ЖШС «Әсия»
  5. ПК «Қаратал»

Және жеке кәсіпкерлердің стоматологиялық клиникалары.

Колледж миссиясы – кәсіби құзіретті, білім-тәжірибесін пациентке арнап, оның денсаулығына жауапкершілікпен қарайтын орта буынды маман дайындау.

 

                Специальность 0304000 «Стоматология»Стоматологиядан тәжірибелік сабақтарда

Стоматологиядан тәжірибелік сабақтарда

Стоматологиядан тәжірибелік сабақтарда


Келулердің саны: 2382

Жоғары